(၁)
မြေကြီး နှင့် ပြည်သူကို အစတည်၍ ကျွန်ုပ်တို့ စတင်ကိုင်တွယ်မိသော မြေယာပြဿနာသည် ဇေကမ္ဘာ နှင့် ရွှေနံ့သာ ပြဿနာဟု အစချီခဲ့ပြီး ဖြစ်သည်။ ထိုသို့ မီဒီယာမှ စတင်ဖော်ထုတ်လိုက်လျှင် ပြဿနာ စပေါ်ပြီ။ ထိုမြေသိမ်းဆည်းမှု နှင့် ပတ်သက်၍ တစ်ဖက်မှလည်း နိုင်ငံတော်ခွင့်ပြုချက်ဖြင့် သိမ်းဆည်းခြင်း ဖြစ်ကြောင်း ဖြင့်ပြောဆိုနေကြသည်။ နိုင်ငံတော်မှ သိမ်းဆည်းလျှင် နိုင်ငံတော်လုပ်ငန်းဆောင်တာများ ဖြစ်သော ၀န်ကြီးဌာန များမှ သုံးစွဲရမည်။ နိုင်ငံတော်သိမ်းဆည်း ရယူပြီးပုဂ္ဂလိကသို့ လွှဲပြောင်းရောင်းချခွင့် မရှိကြောင်းဖြင့် ဦးနေမျိုးဝေ ဘက်မှလည်း ၁၉၅၃ လယ်ယာမြေသီးစားချထားရေး ဥပဒေ ၊ ၁၉၆၃ လယ်ယာမြေနိုင်ငံပိုင် ပြုလုပ် ရေး ဥပဒေများမှ ထုတ်နှုတ်၍ တုန့်ပြန်ပြောဆို နေရပြီဖြစ်သည်။ ထိုစဉ်အတွင်း ဦးနေဝေမှ ကျွန်တော့်ထံ ထပ်မံဆက်သွယ်သည်။ ထားဝယ်ရေနက်စီမံကိန်းမှာ သိမ်းဆည်းခံရတဲ့ လယ်ယာမြေတွေအတွက် သွားမယ်။ မင်းလိုက်မယ်ဆိုရင် လေယာဉ်လက်မှတ် ၀ယ်ပေးမယ့် သူရှိတယ်။ အဲဒါလိုက်လို့ ရတယ်ဆိုရင် အကြောင်းပြန် ဟု ဆိုသည်။ ကျွန်တော် လိုက်ပါနိုင်ခြင်း မရှိခဲ့။ ဦးနေဝေ၊ ကိုပိုင်ဇော် နှင့် မဝေတို့ သွားကြသည်။ ထားဝယ်ဒေသတွင် သိမ်းဆည်းခံရသော လယ်ယာမြေ ကိစ္စများ လျော်ကြေးအပြည့်အ၀ မရရှိသည်များ ၊ စက်ရုံ အလုပ်ရုံများ ဆောက်လုပ်ရာတွင် သဘာဝ ပတ်ဝန်း ကျင်ကို စိုးရွားစွာ ထိခိုက်နိုင်မှု အခြေအနေများကို သုံးသပ်ရေးသားရန်ဖြစ်သည်။
(၂)
ဇေကမ္ဘာနှင့် ရွှေနံ့သာ ပြဿနာက ပြေလည်သွားခြင်းမရှိသေး။ ထိုကိစ္စနှင့် ပတ်သက်၍ ကျွန်တော် စတင်ရေးသားမိသော ဆောင်းပါးမှာ “စက်မှုဖွံ့ဖြိုးရေး နှင့် လယ်ယာမြေကဏ္ဍ မျှတအောင် ဆောင်ရွက်ကြပါမှ” ဟူ၍ ဖြစ်သည်။ ကျွန်တော်တို့၏ အယ်ဒီတာလည်း ထိုသတင်းအပေါ် စိတ်ဝင်တစား Follow Up လိုက်လာ တော့သည်။ ဇေကမ္ဘာကမ္ပဏီက လယ်သမားများအပေါ် မလိမ့်တပတ်လုပ်ထားသည်ဟု ယူဆရသော စာရွက် စာတမ်းများကို ဂျာနယ်ပေါ်မှဖော်ပြခဲ့သည်။ ဦးနေမျိုးဝေ ထားဝယ်ဒေသမှ ပြန်လာပြီး “ထားဝယ်ရေနက်ဆိပ်ကမ်း အရှုပ်တော်ပုံ” စာအုပ်ကို ကိုပိုင်ဇော် ၊ မဝေတို့နှင့် ရေးသားလျှက်ရှိသည်။ ထိုစဉ်အတွင်း ဒေသခံများ၏ ထပ်မံဆက်သွယ်ချက်အရ ဦးလွင်မိုး (ရုပ်ရှင်သရုပ်ဆောင် လွင်မိုး)၏ ကုမ္ပဏီမှ မြေလျော်ကြေးမပေးရသေးသော မြေနေရာများတွင် ၀င်ရောက်မြေထိုး ရှင်းလင်းလျှက်ရှိကြောင်းဖြင့် ဆက်သွယ်ပြောကြားလာသည်။ ဒေသခံများ၏ ဆက်သွယ်ပြော ဆိုမှုအပေါ် ဦးနေမျိုးဝေမှ သူ၏ Facebook မှ ကိုလွင်မိုး၏ ကုမ္ပဏီမှ မြေလျော်ကြေးပေးချေခြင်း မပြုရသေး သော မြေနေရာများအတွင်း ဘူဒိုဇာများနှင့် ၀င်ထိုးနေပါသဖြင့် ဒေသခံများ မကျေဆိုသည့်အကြောင်း ရေးသား ဖြန့်ဝေလိုက်သည်။ ဤသည်ကို ကိုလွင်မိုးက သိရှိ၍ သူ၏ကုမ္ပဏီမှ ထိုသို့လုပ်ဆောင်ခြင်း မရှိပါကြောင်းဖြင့် ဦးနေမျိုးဝေအား ဆက်သွယ်ပြောဆိုလာသည်။ ကိုလွင်မိုး၏ ပြန်လည်ချေပပြောဆိုချက်ကိုလည်း သူ၏ facebook မှ ပြန်လည်ရေးသားပေးခဲ့သည်။ ဒေသခံမြေရှင်များကို အသေအချာစုံစမ်းခိုင်းရာ ကိုလွင်မိုး၏ ကုမ္ပဏီမှ လုပ်ကိုင်နေခြင်း မှန်ကန်ကြောင်း ၊ ဘူဒိုဇာနံပါတ် ၊ ယဉ်မောင်းအမည်များကိုပါ သိရှိရတော့သည်။ ဦးနေမျိုးဝေမှ သူ့ထံဆက်သွယ်လာသော ကိုလွင်မိုး၏ ဖုန်းနံပါတ်ကိုပါ တင်ပေးထားသဖြင့် ထိုညတွင်ပင် ကျွန်တော် ကိုလွင်မိုးထံ ဆက်သွယ်မေးမြန်း သည်။ သတင်းသမားတို့၏ သဘာဝအရ နှစ်ဖက်ပြောဆိုချက်ကို ရယူသင့်သည်ဖြစ်ရာ ကျွန်တော့်အနေဖြင့် ကိုလွင်မိုးထံ ဆက်သွယ်မေးမြန်းခဲ့ခြင်းဖြစ်သည်။ ကိုလွင်မိုးရှင်းလင်းပြောဆိုသည်မှာ “မြန်မာကုမ္ပဏီများအနေဖြင့် ထိုင်းကုမ္ပဏီ၏ လုပ်ကွက်ချထားပေး မှုအပေါ် လုပ်ကိုင်ရခြင်း ဖြစ်ကြောင်း၊ စီမံကိန်းမြေပုံပေါ်တွင် လျော်ကြေးပေးပြီး ၊ ညှိနှိုင်းဆဲ ၊ လျော်ကြေးမပေး ရသေးသည့် နေရာများကို အစိမ်းရောင် ၊ အ၀ါရောင် ၊ အနီရောင်ဖြင့် ပြသထားကြောင်း၊ ၎င်းတို့အနေဖြင့် အစိမ်းရောင် ခြယ်မှုန်းထားသော လျော်ကြေးပေးပြီးသည့် နေရာများကိုသာ ၎င်းတို့ကုမ္ပအနေဖြင့် လုပ်ဆောင် နေခြင်းဖြစ်ကြောင်း ၊ သတင်းများထွက်ပေါ်နေသကဲ့သို့ လျော်ကြေးမရခြင်းကြောင့် ဒေသခံများ မကျေမနပ် ဖြစ်နေကြသည်မှာ မမှန်ကန်ကြောင်း ၊ လျော်ကြေး ထိုက်ထိုက်တန်တန်ရရှိ၍ ဒေသခံများ ပျော်ရွှင်နေကြောင်း ဖြင့် ပြောဆိုသည်။ မြေယာစီမံခန့်ခွဲမှု နောက်ကွယ်က အဂတိလိုက်စားမှုများကို မသိကျိုးကျွန်ပြု၍ ပြောဆိုခြင်းပင်လော့။ မသိရှိခြင်းကြောင့် ထိုသို့ပြောဆိုခြင်းလည်း ဖြစ်တန်ရာသည်။ ထားဝယ်ဒေသတွင် မြေလျော်ကြေး ၊ သီးနှံလျော် ကြေး အပြည့်အ၀ရ၍ ကျေနပ်နေကြသူများ ရှိပါသည်။ အချို့နေရာများတွင် မြေလျော်ကြေး ၊ သီးနှံလျော်ကြေး ပေးချေရာတွင် ဒေသဆိုင်ရာ အာဏာပိုင်များမှ တဆင့် မြေပိုင်သူများထံပေးချေခြင်းဖြစ်သည်။ ငွေပေးချေသူ ထိုင်းကုမ္ပဏီနှင့် ငွေရမည့်သူ လယ်သမားတို့ တိုက်ရိုက်ထိတွေ့ လုပ်ဆောင်ကြခြင်း မဟုတ်ပါ။ ထိုသို့ အာဏာပိုင်များကို တစ်ဆင့်ခံထား၍ လုပ်ကိုင်ကြရာတွင် အမျိုးမျိုးသော လှည့်ပတ်မှုများနှင့် ကြုံတွေ့ရ၍ ဒေသခံတောင်သူ မြေရှင်တို့ ရသင့်ရထိုက်သလောက် မရရှိခြင်းကြောင့် ပြဿနာများပေါ်ပေါက် လာရခြင်းသာ ဖြစ်ပေသည်။ ထို့အပြင် ရေကာတာမဆောက်လုပ်သင့်သော နေရာတွင် ရေကာတာစီမံကိန်းချမှတ်ထားရာ ဖြစ်ပေါ် လာမည့်ဆိုးကျိုးကို ဒေသခံများ သိရှိ၍ ကန့်ကွက်နေကြသည်။ အားလုံးကိုခြုံငုံ၍ ထားဝယ်ရေနက်ဆိပ်ကမ်း အရှုပ်တော်ပုံအဖြစ် ဦးနေမျိုးဝေက ပုံနှိပ်ထုတ်ဝေလိုက်သည်။
(၃)
ဦးနေမျိုးဝေ ထားဝယ်မှ ပြန်ရောက်ပြီး အချိန်ဖြစ်ပေလိမ့်မည်။ ဇေကမ္ဘာကုမ္ပဏီမန်နေဂျာ ဦးမြင့်ဇော်မှ ဦးနေမျိုးဝေ နှင့် ရွှေနံ့သာလယ်သမားခေါင်းဆောင်များဖြစ်ကြသည့် ဦးကျော်စိန် ၊ ဦးကျော်မြင့် ၊ ဦးအောင်ချစ် တို့နှင့် တွေ့ဆုံ၍ ညှိနှိုင်းသည်ဟု ပြန်လည်သိရှိရသည်။ ထိုသို့တွေ့ဆုံရန် ထောက်လှမ်းရေးတစ်ဦးမှ ကြားက အချိန်းအချက် ပြုလုပ်ပေးခြင်း ဖြစ်သည်။ ဦးနေမျိုးဝေ ယုံကြည်ထားသည်မှာဇေကမ္ဘာအနေဖြင့် လယ်သမားများ နှင့် ငွေကြေးညှိနှိုင်းအဆင်ပြေမှသာ ဆက်လက်လုပ်ဆောင်နိုင်မည်ဖြစ်ကြောင်းပင်။ ဇေကမ္ဘာ မန်နေဂျာ မြင့်ဇော်နှင့် လယ်သမားတို့ ညှိနှိုင်းကြရာ လယ်သမားများက တစ်ဧကလျှင် သိန်း(၅၀) နှုန်းပေးမှ ကျေနပ်မည်။ ဦးမြင့်ဇော်မှ လျော့ရန်ပြောသည်။ ထိုသို့ဖြင့် ပြေလည်မှုမရခဲ့။ ထိုသို့ပြောဆိုကြစဉ် ဦးနေမျိုးဝေမှ ဦးခင်ရွှေအား နိုင်ငံရေးအရဖြစ်စေ ၊ စီးပွားရေးအရဖြစ်စေ ကူညီနိုင်ပါကြောင်း ပြောဆိုခဲ့သည်ဟု ပြန်လည် သိရှိရသည်။ ထိုစကားတို့သည် ကား၍ သွားသည်။ လယ်သမားတစ်ဦး၏ ဇနီးဖြစ်သူ ဒေါ်တင်စိန်အား Eleven ဂျာနယ်မှ မွန်သတင်းထောက်မလေး တစ်ဦးက အင်တာဗျူးသွားသည်။ လယ်သမားများသည်လည်း မွန်အုပ်စု ဖြစ်ရာ ဒေါ်တင်စိန်၏ ပြောဆိုချက်များကို အခြေပြု၍ ဦးနေမျိုးဝေမှ လယ်သမားများအတွက် တစ်ဧကလျှင် သိန်း(၅၀)နှုန်းတောင်းဆိုပေးကြောင်းဖြင့် ဖော်ပြရေးသားသည်။ ထို့ထက်ပို၍ ကားသွားသည်မှာ မန်နေဂျာမြင့်ဇော်၏ ချဲ့ကားပြောဆိုခြင်းပင် ဖြစ်ပါလိမ့်မည်။ ဇေကမ္ဘာ ဦးခင်ရွှေ၏သား ဇေသီဟမှ ၎င်း၏ facebook စာမျက်နှာမှ ဦးနေမျိုးဝေသည် သူ့အဖေထံတွင် အလုပ်တောင်း ကြောင်း ၊ သက်သေအဖြစ် လယ်သမားများပင်ရှိကြောင်းဖြင့် ရေးသားသည်။ ဤသည်တို့ကို လျစ်လျှူရှု၍ ထားလိုက်တော့သည်။ ထိုသတင်းထွက်ပေါ်လာခြင်းအတွက် လယ်သူမ ဒေါ်တင်စိန်အပေါ်တွင်လည်း ဦးနေမျိုးဝေ ဒေါသဖြစ် နေသည်။ တွေ့ဆုံကြခြင်းမှာ ထောက်လှမ်းရေးတစ်ဦး၏ စီစဉ်ပေးမှုဖြင့် တွေ့ဆုံကြခြင်းဖြစ်သည်။ ကျွန်တော် တို့၏ အယ်ဒီတာချုပ်မှာလည်း ဦးနေမျိုးဝေအပေါ် အမြင်လွဲ၍ ဇေကမ္ဘာမြင့်ဇော်အား အင်တာဗျူးကာ ဂျာနယ် ပေါ်မှ ဖော်ပြပေးသည်။ ဂျာနယ်စာမျက်နှာများသည် အယ်ဒီတာချုပ်အပိုင်ဖြစ်လေလာ သူဖြုတ်ချင်ဖြုတ် သူထည့်ချင်ထည့် (လုပ်ချင်ရာလုပ်)သာ ဖြစ်သည်။ ဇေကမ္ဘာကုမ္ပဏီသည် လန(၃၉)မကျမီမှာပင် လယ်မြေများကို ရောင်းစားထားပြီး ဖြစ်ကြောင်း သက်သေခံလျှက်ရှိပါသည်။ လယ်သမားများစိုက်ပျိုးလုပ်ကိုင်လျှက် ရှိနေဆဲအချိန်တွင် ၎င်းတို့ထံမှ ၀ယ်ယူထား သူတို့၏ အမည်များနှင့် ၀ယ်ယူထားသည့် ဧကတို့ကိုရေးသား၍ ဆိုင်းဘုတ်များ လာစိုက်တော့သည်။ ဒေါ်နန်းလင်းလင်းထွန်းအမည်ဖြင့် ၀ယ်ယူထားသည့်ဧက အများဆုံးဖြစ်သည်ကို သတိပြုမိသည်။ အခြား တိုင်းရင်းသား နာမည်များလည်း တွေ့ရသည်။ လယ်သမားများကို တစ်ဧကလျှင် ငွေသုံးသိန်းပေးပြီး လယ်မြေများကို ဆက်လက်စိုက်ပျိုးလုပ်ကိုင် နေကြရန် ပြောဆိုသော်လည်း အကြောင်းအမျိုးမျိုးဖြင့် စတင်ဖျက်စီးလေပြီ။ လယ်မြေများတွင် လမ်းများဖောက် လုပ်နေပြီဖြစ်သည်။ ထိုဆိုင်းဘုတ်များလာထောင်ပြီး ဖယ်ရှားပေးရတော့မည် ဖြစ်ကြောင်းဖြင့် ဇေကမ္ဘာလုံခြုံ ရေးများမှတဆင့် ခြိန်းခြောက်ပြောဆိုမှုများ ၊ လယ်သမားများ နှင့် ထိပ်တိုက် ပဋိပက္ခများ ပေါ်ပေါက်လာတော့ သည်။ ဇေကမ္ဘာကုမ္ပဏီအနေဖြင့် ထိုလယ်မြေများကို ရောင်းချနေရာတွင် တစ်ဧကလျှင် သိန်း(၈၀၀)ထက် မနည်းသောဈေးနှုန်းဖြင့် ရောင်းချနေသည်ကို လယ်သမားများ သိရှိနေသည်။ ထို့အတွက် တစ်ဧကလျှင် သိန်း(၅၀)ခန့်ရမှ ကျေနပ်နိုင်မည်ဆိုသော လယ်သမားများ၏ ပြောဆိုချက်သည် လောဘရမ္မက်တက်သည်ဟု ဆိုနိုင်ပါသလော့။ ထိုသို့ဆိုပါလျှင် လယ်သမားများ၏ လောဘသည် ဇေကမ္ဘာ ဦးခင်ရွှေ၏ ဖင်ဖျားကိုပင် မမှီသေးဟု ဆိုရမည်သာဖြစ်သည်။ ဦးနေမျိုးဝေ ဦးဆောင်သော လယ်သမားများ နှင့် ဇေကမ္ဘာမြင့်ဇော်တို့ တွေ့ဆုံစဉ်ကလည်း ဦနေမျိုးဝေ မှ မည်၍မည်မျှပေးဟု တောင်းဆိုပေးခြင်းမဟုတ်ဘဲ လယ်သမားများ၏ တောင်းဆိုချက်သာဖြစ်ကြောင်းကို ဦးနေမျိုးဝေက ပြန်လည်ရှင်လင်းပြောဆိုသည်။ ဦးခင်ရွှေသည်လည်း Street View ဟူသော ကိုယ်ပိုင်မီဒီယာ ရှိထားသည့်အပြင် လျှပ်တစ်ပြက် ဂျာနယ်တွင်လည်း ဦးခင်ရွှေအလိုကျ လယ်သမားများကို တိုက်ခိုက်ရိုက်ရေးသားမှုများ တွေ့ရသည်။ ၎င်းတို့၏ လုပ်ရပ်သာ အမှန်ဖြစ်နေသည်။ ထိုမီဒီယာ နှစ်ခုနှင့်အပြိုင် Hot News ဂျာနယ်သည် လယ်သမားများဘက်မှ ရပ်တည်ရေးသားပေးနေခြင်း ဖြစ်သည်။ Hot News ဂျာနယ်တွင် ရေးသားဖော်ပြခဲ့သော လယ်သူမလေး နှင်းနန္ဒာ၏ ပြောဆိုချက်များ နှင့် ပတ်သက်၍ ဇေကမ္ဘာကုမ္ပဏီဘက်မှ လယ်သမားစာရင်းတွင် မနှင်းနန္ဒာဟူ သည်မရှိကြောင်းဖြင့် တုန့်ပြန်လာသည်။ Hot News ဂျာနယ် အယ်ဒီတာမှ မနှင်းနန္ဒနှင် သူ၏ခင်ပွန်း ဦးကျော်ဟိန်းတို့ကို ခေါ်ယူတွေ့ဆုံ၍ ထပ်မံတိုက်ခိုက်လိုက်ပြန်သည်။ အကြိတ်အနယ်ရှိနေစဉ်အတွင်းမှာပင် ဦးနေမျိုးဝေသည် လယ်သမားများဘက် မှ ငွေတောင်းပေးသည်ဟု အထင်ရောက်ကာ အယ်ဒီတာ ဒေါပွခဲ့လေသည်။ အယ်ဒီတာနှင့် ဦးနေမျိုးဝေတို့ ခပ်တန်းတန်းဖြစ်သွားခဲ့သော်လည်း ပြဿနာက အသောမသတ်နိုင် သေး။ လယ်သမားများကို မိမိတို့အစဉ်အဆက် လုပ်မြဲကိုင်မြဲ လုပ်ကိုင်နေကြရန်သာ အကြံပြု၍ ဦးနေမျိုးဝေ နှင့် လယ်သမားများလည်း ခပ်ခွာခွာ နေခဲ့ကြသည်။
(၄)
ထိုစဉ်အတွင်း ဦးနေမျိုးဝေသည် ရေဒီယိုသတင်းမှ ကြားသိ၍ မွန်ပြည်နယ် ၊ ကျိုက်မရောမြို့နယ်၊ နိတုံ ကျေးရွာတွင် မြေသိမ်းမှုပြဿနာပေါ်ပေါက်လျှက်ရှိရာ ရောက်ရှိသွားပြန်သည်။ သူ၏ ပြန်လည်ပြောကြားချက် အရ “မော်လမြိုင်ကို ရောက်တော့ ဦးနိုင်ငွေသိန်းဆီ ၀င်တယ်။ သူ့ကိုလမ်းညွှန်တစ်ယောက်ထည့်ပေးဖို့ ပြောတော့ သူက စိတ်မချဘူးလို့ပြောတယ်။ ကိုယ့်ဟာကိုယ် ဆိုင်ကယ်ငှားပြီး ပေါက်ချသွားတယ်။ ဟိုရောက် တော့ ရွာသားတွေနဲ့တွေ့တာပဲ။ သူတို့ကိုကူညီဖို့သွားတဲ့ဟာကို ဘာလို့ သူတို့က ရန်ရှာမှာလဲ။ အဲဒီနယ်က DKBA နယ်မြေ။ ဦးနိုင်ငွေသိန်းကြီးက ငါ့ကို အဲဒီအတွက် စိတ်ပူနေတာ”ဟု ပြန်လည်ပြောဆိုသည်။ ထိုဖြစ်စဉ် မှာလည်း ဇေကမ္ဘာကုမ္ပဏီ၏ ပြဿနာပင်ဖြစ်သည်။ နိတုံကျေးရွာအနောက်ဘက်ရှိ ကျောက်တောင်မှ ဘိလပ် မြေထုတ်ယူရန် လမ်းဖောက်မည်။ ထိုသို့ဖောက်လုပ်ရန်အတွက် လယ်မြေဧက(၂၀၀၀) သိမ်းထားခြင်းပင် ဖြစ်သည်။ ထိုအမှုအား စတင်ကိုင်တွယ်ပြန်သည်။ ဇေကမ္ဘာကုမ္ပဏီမှ ထိုလယ်မြေများသည် ရေငံဝင်သဖြင့် စိုက်ပျိုးဖြစ်ထွန်းခြင်း မရှိဟု ဆိုကာ အကြောင်းပြသည်။ လန(၃၉)လျှောက်ထား ရယူရန် ပင်ဖြစ်သည်။ လျော်ကြေးငွေကိုလည်း ထိုက်ထိုက်တန် တန်ပေးချေခြင်းမဟုတ်။ ထို့အတွက်ကြောင့် လယ်သမားက မကျေမနပ်ဖြစ်နေကြခြင်းသာ။ ဇေကမ္ဘာကုမ္ပဏီမှ ရေငံဝင်သည်ဟူသော ချောင်းမှာ တောင်းကျချောင်း ဖြစ်၍ ရေငံဝင်ရောက်ခြင်း မရှိ။ နိတုံကျေးရွာ အနောက်ဘက် ကျောက်တောင်ကြီးဘေးကို ချောင်းထဲမှလည်း သွားလို့ရသည်။ ထိုချောင်းထဲမှ ရေတစ်ဘူးခပ်လာသည်။ ရေငံလား ရေချိုလား သက်သေပြရန်ပင်ဖြစ်သည်။ သူကိုယ်တိုင် လှေနှင့် ချောင်ကြို ချောင်ကြားအထိ သွားရောက်လေ့လာခဲ့ခြင်းဖြစ်သည်။ ထိုအကြောင်းကို ကျွန်တော့်အား ပြောပြ၍ အယ်ဒီတာ အားပြောဆိုရှင်းလင်းပြရန် နှင့် ပြန်လည်ဆက်သွယ်ခိုင်းသည်။ ကျွန်တော့်အနေဖြင့် အုပ်ချုပ်ရေးမှူး နှင့် အယ်ဒီတာချုပ်တို့အား ပြောပြလိုက်သည်။ စိတ်ဝင်စားသည် ဆိုပါလျှင် အသေးစိတ် သိရှိရန် ထပ်သွားပေးမည်။ လမ်းစရိတ်နှင့် သတင်းထောက်တစ်ယောက် ထည့်ပေးလိုက်ဖို့ ပြောသည်။ ဖြစ်နိုင်လျှင် ကျွန်တော့်ကို လိုက်စေချင်သည်။ သို့သော် ဂျာနယ်တိုက်က ကျွန်တော့်ကို မလွှတ်။ သတင်းအယ်ဒီတာကိုသာ ငွေပေးင ထည့်လိုက်သည်။ အချက်အလက်များ ရရှိခဲ့ပါသည်။ သို့သော် ဦးနေမျိုးဝေနှင့် သတင်းအယ်ဒီတာတို့ ဆက်ဆံရေး အဆင်မပြေဖြစ်ခဲ့သည်ကို ပြန်လည်သိရှိရသည်။ ဦးနေမျိုးဝေ၏ သုံးသပ်ချက်နှင့် လယ်သမားများ၏ ပြောဆိုချက်များဖြစ်သည့် လယ်ယာမြေတွင် လုပ်ကိုင်ခဲ့သည့်အခြေအနေတို့ကို စာမျက်နှာ(၄)မျက်နှာခန့် ဖော်ပြလိုက်သည်။ ဦးနေမျိုးဝေ၏ သုံးသပ်ချက်မှာ လမ်းဖောက်လုပ်မည်ဆိုက တစ်ကွင်းလုံး ပတ်သိမ်းရန်မလိုပဲ လမ်းဖောက်လုပ်မည့် အတိုင်းအတာကိုသာ သိမ်းဆည်းရန် လိုကြောင်းဖြင့် သုံးသပ်ထားသည်။ သိမ်းဆည်းထားသည့် လယ်မြေဧရိယာမှာ ဧက(၂၀၀၀) ဖြစ်သည်။ ဤသတင်းကိုပင် ဘိလပ်မြေထုတ်ယူမည်ဟူသော လှပသည့်ကျောက်တောင် ကြီးကို နောက်ကျောဖုံးထား၍ ကောက်စိုက်သမများ၏ ပုံဖြင့် ဖော်ပြခဲ့သည်။ ဤသို့ဖော်ပြလိုက်ပြီးနောက် လယ်သမား များ ကံကောင်း ၊အကြောင်းလှစွာပင် လယ်ယာမြေများပြန်လည် ရရှိသွားတော့သည်။ နိုင်ငံတော်မှ သိမ်းဆည်း ခွင့်ပြုထားသည်မှာ ဧက(၂၀၀)သာဖြစ်ပြီး ဧက(၂၀၀၀) သိမ်းဆည်းခွင့် ပြုထားခြင်း မဟုတ်ကြောင်း ပေါ်ပေါက် သည်။ ကျွန်တော်တို့အတွက် သာဓက တစ်ခုမှာ “ နိုင်ငံတော်က ဧက(၂၀၀)ခွင့်ပြုလျှင် ဒေသခံ အာဏာပိုင် နှင့် ပူးပေါင်းကာ ဧက(၂၀၀၀) သိမ်းသည်” ဟူ၍သာ။ ဤသည်ကား မြန်မာနိုင်ငံ တစ်နံတလျှား ထိုသို့မှတ်သား ရမည့် သာဓကပင်ဖြစ်သည်။ ထိုသို့ဖော်ပြပါရှိပြီးနောက် လယ်မြေဧက (၁၈၀၀)ကို တောင်သူများ ပြန်လည်ရရှိသွားတော့သည်။ ဤသည်ကပင် မြေယာမှုခင်းများထဲမှ ဦးဦးဖျားဖျား အနိုင်ရမှု တစ်ခုဟု မှတ်တမ်းတင်ရမည်ဖြစ်ပါသည်။ ကျွန်တော်တို့၏ မူလဇတ်မြစ် “ဇေကမ္ဘာ နှင့် ရွှေနံ့သာလယ်သမားများ၏ ပြဿနာ” မှာမူ မည်သည့်အချိန် မှ အဆုံးသတ်နိုင်မည်ကို မခန့်မှန်းနိုင်သေးပေ။ နိတုံအရေးနှင့် ပတ်သက်၍ လယ်မြေဧက (၁၈၀၀)ပြန်လည် ရရှိသွားသည့်တိုင် ပြဿနာ ပြီးဆုံးပြီဟု မမှတ်ယူသင့်သေးပါ။ နောက်ဆက်တွဲ ဖောက်လုပ်မည့် တာလမ်းမကြီးကြောင့် ဒေသခံတို့ရင်ဆိုင်ရမည့် ပြဿနာများကို အခြားသော လယ်ယာမြေမတရားသိမ်းဆည်းမှုများ နှင့် ပူးတွဲ တင်ပြပါဦးမည်။
မြေကြီး နှင့် ပြည်သူကို အစတည်၍ ကျွန်ုပ်တို့ စတင်ကိုင်တွယ်မိသော မြေယာပြဿနာသည် ဇေကမ္ဘာ နှင့် ရွှေနံ့သာ ပြဿနာဟု အစချီခဲ့ပြီး ဖြစ်သည်။ ထိုသို့ မီဒီယာမှ စတင်ဖော်ထုတ်လိုက်လျှင် ပြဿနာ စပေါ်ပြီ။ ထိုမြေသိမ်းဆည်းမှု နှင့် ပတ်သက်၍ တစ်ဖက်မှလည်း နိုင်ငံတော်ခွင့်ပြုချက်ဖြင့် သိမ်းဆည်းခြင်း ဖြစ်ကြောင်း ဖြင့်ပြောဆိုနေကြသည်။ နိုင်ငံတော်မှ သိမ်းဆည်းလျှင် နိုင်ငံတော်လုပ်ငန်းဆောင်တာများ ဖြစ်သော ၀န်ကြီးဌာန များမှ သုံးစွဲရမည်။ နိုင်ငံတော်သိမ်းဆည်း ရယူပြီးပုဂ္ဂလိကသို့ လွှဲပြောင်းရောင်းချခွင့် မရှိကြောင်းဖြင့် ဦးနေမျိုးဝေ ဘက်မှလည်း ၁၉၅၃ လယ်ယာမြေသီးစားချထားရေး ဥပဒေ ၊ ၁၉၆၃ လယ်ယာမြေနိုင်ငံပိုင် ပြုလုပ် ရေး ဥပဒေများမှ ထုတ်နှုတ်၍ တုန့်ပြန်ပြောဆို နေရပြီဖြစ်သည်။ ထိုစဉ်အတွင်း ဦးနေဝေမှ ကျွန်တော့်ထံ ထပ်မံဆက်သွယ်သည်။ ထားဝယ်ရေနက်စီမံကိန်းမှာ သိမ်းဆည်းခံရတဲ့ လယ်ယာမြေတွေအတွက် သွားမယ်။ မင်းလိုက်မယ်ဆိုရင် လေယာဉ်လက်မှတ် ၀ယ်ပေးမယ့် သူရှိတယ်။ အဲဒါလိုက်လို့ ရတယ်ဆိုရင် အကြောင်းပြန် ဟု ဆိုသည်။ ကျွန်တော် လိုက်ပါနိုင်ခြင်း မရှိခဲ့။ ဦးနေဝေ၊ ကိုပိုင်ဇော် နှင့် မဝေတို့ သွားကြသည်။ ထားဝယ်ဒေသတွင် သိမ်းဆည်းခံရသော လယ်ယာမြေ ကိစ္စများ လျော်ကြေးအပြည့်အ၀ မရရှိသည်များ ၊ စက်ရုံ အလုပ်ရုံများ ဆောက်လုပ်ရာတွင် သဘာဝ ပတ်ဝန်း ကျင်ကို စိုးရွားစွာ ထိခိုက်နိုင်မှု အခြေအနေများကို သုံးသပ်ရေးသားရန်ဖြစ်သည်။
(၂)
ဇေကမ္ဘာနှင့် ရွှေနံ့သာ ပြဿနာက ပြေလည်သွားခြင်းမရှိသေး။ ထိုကိစ္စနှင့် ပတ်သက်၍ ကျွန်တော် စတင်ရေးသားမိသော ဆောင်းပါးမှာ “စက်မှုဖွံ့ဖြိုးရေး နှင့် လယ်ယာမြေကဏ္ဍ မျှတအောင် ဆောင်ရွက်ကြပါမှ” ဟူ၍ ဖြစ်သည်။ ကျွန်တော်တို့၏ အယ်ဒီတာလည်း ထိုသတင်းအပေါ် စိတ်ဝင်တစား Follow Up လိုက်လာ တော့သည်။ ဇေကမ္ဘာကမ္ပဏီက လယ်သမားများအပေါ် မလိမ့်တပတ်လုပ်ထားသည်ဟု ယူဆရသော စာရွက် စာတမ်းများကို ဂျာနယ်ပေါ်မှဖော်ပြခဲ့သည်။ ဦးနေမျိုးဝေ ထားဝယ်ဒေသမှ ပြန်လာပြီး “ထားဝယ်ရေနက်ဆိပ်ကမ်း အရှုပ်တော်ပုံ” စာအုပ်ကို ကိုပိုင်ဇော် ၊ မဝေတို့နှင့် ရေးသားလျှက်ရှိသည်။ ထိုစဉ်အတွင်း ဒေသခံများ၏ ထပ်မံဆက်သွယ်ချက်အရ ဦးလွင်မိုး (ရုပ်ရှင်သရုပ်ဆောင် လွင်မိုး)၏ ကုမ္ပဏီမှ မြေလျော်ကြေးမပေးရသေးသော မြေနေရာများတွင် ၀င်ရောက်မြေထိုး ရှင်းလင်းလျှက်ရှိကြောင်းဖြင့် ဆက်သွယ်ပြောကြားလာသည်။ ဒေသခံများ၏ ဆက်သွယ်ပြော ဆိုမှုအပေါ် ဦးနေမျိုးဝေမှ သူ၏ Facebook မှ ကိုလွင်မိုး၏ ကုမ္ပဏီမှ မြေလျော်ကြေးပေးချေခြင်း မပြုရသေး သော မြေနေရာများအတွင်း ဘူဒိုဇာများနှင့် ၀င်ထိုးနေပါသဖြင့် ဒေသခံများ မကျေဆိုသည့်အကြောင်း ရေးသား ဖြန့်ဝေလိုက်သည်။ ဤသည်ကို ကိုလွင်မိုးက သိရှိ၍ သူ၏ကုမ္ပဏီမှ ထိုသို့လုပ်ဆောင်ခြင်း မရှိပါကြောင်းဖြင့် ဦးနေမျိုးဝေအား ဆက်သွယ်ပြောဆိုလာသည်။ ကိုလွင်မိုး၏ ပြန်လည်ချေပပြောဆိုချက်ကိုလည်း သူ၏ facebook မှ ပြန်လည်ရေးသားပေးခဲ့သည်။ ဒေသခံမြေရှင်များကို အသေအချာစုံစမ်းခိုင်းရာ ကိုလွင်မိုး၏ ကုမ္ပဏီမှ လုပ်ကိုင်နေခြင်း မှန်ကန်ကြောင်း ၊ ဘူဒိုဇာနံပါတ် ၊ ယဉ်မောင်းအမည်များကိုပါ သိရှိရတော့သည်။ ဦးနေမျိုးဝေမှ သူ့ထံဆက်သွယ်လာသော ကိုလွင်မိုး၏ ဖုန်းနံပါတ်ကိုပါ တင်ပေးထားသဖြင့် ထိုညတွင်ပင် ကျွန်တော် ကိုလွင်မိုးထံ ဆက်သွယ်မေးမြန်း သည်။ သတင်းသမားတို့၏ သဘာဝအရ နှစ်ဖက်ပြောဆိုချက်ကို ရယူသင့်သည်ဖြစ်ရာ ကျွန်တော့်အနေဖြင့် ကိုလွင်မိုးထံ ဆက်သွယ်မေးမြန်းခဲ့ခြင်းဖြစ်သည်။ ကိုလွင်မိုးရှင်းလင်းပြောဆိုသည်မှာ “မြန်မာကုမ္ပဏီများအနေဖြင့် ထိုင်းကုမ္ပဏီ၏ လုပ်ကွက်ချထားပေး မှုအပေါ် လုပ်ကိုင်ရခြင်း ဖြစ်ကြောင်း၊ စီမံကိန်းမြေပုံပေါ်တွင် လျော်ကြေးပေးပြီး ၊ ညှိနှိုင်းဆဲ ၊ လျော်ကြေးမပေး ရသေးသည့် နေရာများကို အစိမ်းရောင် ၊ အ၀ါရောင် ၊ အနီရောင်ဖြင့် ပြသထားကြောင်း၊ ၎င်းတို့အနေဖြင့် အစိမ်းရောင် ခြယ်မှုန်းထားသော လျော်ကြေးပေးပြီးသည့် နေရာများကိုသာ ၎င်းတို့ကုမ္ပအနေဖြင့် လုပ်ဆောင် နေခြင်းဖြစ်ကြောင်း ၊ သတင်းများထွက်ပေါ်နေသကဲ့သို့ လျော်ကြေးမရခြင်းကြောင့် ဒေသခံများ မကျေမနပ် ဖြစ်နေကြသည်မှာ မမှန်ကန်ကြောင်း ၊ လျော်ကြေး ထိုက်ထိုက်တန်တန်ရရှိ၍ ဒေသခံများ ပျော်ရွှင်နေကြောင်း ဖြင့် ပြောဆိုသည်။ မြေယာစီမံခန့်ခွဲမှု နောက်ကွယ်က အဂတိလိုက်စားမှုများကို မသိကျိုးကျွန်ပြု၍ ပြောဆိုခြင်းပင်လော့။ မသိရှိခြင်းကြောင့် ထိုသို့ပြောဆိုခြင်းလည်း ဖြစ်တန်ရာသည်။ ထားဝယ်ဒေသတွင် မြေလျော်ကြေး ၊ သီးနှံလျော် ကြေး အပြည့်အ၀ရ၍ ကျေနပ်နေကြသူများ ရှိပါသည်။ အချို့နေရာများတွင် မြေလျော်ကြေး ၊ သီးနှံလျော်ကြေး ပေးချေရာတွင် ဒေသဆိုင်ရာ အာဏာပိုင်များမှ တဆင့် မြေပိုင်သူများထံပေးချေခြင်းဖြစ်သည်။ ငွေပေးချေသူ ထိုင်းကုမ္ပဏီနှင့် ငွေရမည့်သူ လယ်သမားတို့ တိုက်ရိုက်ထိတွေ့ လုပ်ဆောင်ကြခြင်း မဟုတ်ပါ။ ထိုသို့ အာဏာပိုင်များကို တစ်ဆင့်ခံထား၍ လုပ်ကိုင်ကြရာတွင် အမျိုးမျိုးသော လှည့်ပတ်မှုများနှင့် ကြုံတွေ့ရ၍ ဒေသခံတောင်သူ မြေရှင်တို့ ရသင့်ရထိုက်သလောက် မရရှိခြင်းကြောင့် ပြဿနာများပေါ်ပေါက် လာရခြင်းသာ ဖြစ်ပေသည်။ ထို့အပြင် ရေကာတာမဆောက်လုပ်သင့်သော နေရာတွင် ရေကာတာစီမံကိန်းချမှတ်ထားရာ ဖြစ်ပေါ် လာမည့်ဆိုးကျိုးကို ဒေသခံများ သိရှိ၍ ကန့်ကွက်နေကြသည်။ အားလုံးကိုခြုံငုံ၍ ထားဝယ်ရေနက်ဆိပ်ကမ်း အရှုပ်တော်ပုံအဖြစ် ဦးနေမျိုးဝေက ပုံနှိပ်ထုတ်ဝေလိုက်သည်။
(၃)
ဦးနေမျိုးဝေ ထားဝယ်မှ ပြန်ရောက်ပြီး အချိန်ဖြစ်ပေလိမ့်မည်။ ဇေကမ္ဘာကုမ္ပဏီမန်နေဂျာ ဦးမြင့်ဇော်မှ ဦးနေမျိုးဝေ နှင့် ရွှေနံ့သာလယ်သမားခေါင်းဆောင်များဖြစ်ကြသည့် ဦးကျော်စိန် ၊ ဦးကျော်မြင့် ၊ ဦးအောင်ချစ် တို့နှင့် တွေ့ဆုံ၍ ညှိနှိုင်းသည်ဟု ပြန်လည်သိရှိရသည်။ ထိုသို့တွေ့ဆုံရန် ထောက်လှမ်းရေးတစ်ဦးမှ ကြားက အချိန်းအချက် ပြုလုပ်ပေးခြင်း ဖြစ်သည်။ ဦးနေမျိုးဝေ ယုံကြည်ထားသည်မှာဇေကမ္ဘာအနေဖြင့် လယ်သမားများ နှင့် ငွေကြေးညှိနှိုင်းအဆင်ပြေမှသာ ဆက်လက်လုပ်ဆောင်နိုင်မည်ဖြစ်ကြောင်းပင်။ ဇေကမ္ဘာ မန်နေဂျာ မြင့်ဇော်နှင့် လယ်သမားတို့ ညှိနှိုင်းကြရာ လယ်သမားများက တစ်ဧကလျှင် သိန်း(၅၀) နှုန်းပေးမှ ကျေနပ်မည်။ ဦးမြင့်ဇော်မှ လျော့ရန်ပြောသည်။ ထိုသို့ဖြင့် ပြေလည်မှုမရခဲ့။ ထိုသို့ပြောဆိုကြစဉ် ဦးနေမျိုးဝေမှ ဦးခင်ရွှေအား နိုင်ငံရေးအရဖြစ်စေ ၊ စီးပွားရေးအရဖြစ်စေ ကူညီနိုင်ပါကြောင်း ပြောဆိုခဲ့သည်ဟု ပြန်လည် သိရှိရသည်။ ထိုစကားတို့သည် ကား၍ သွားသည်။ လယ်သမားတစ်ဦး၏ ဇနီးဖြစ်သူ ဒေါ်တင်စိန်အား Eleven ဂျာနယ်မှ မွန်သတင်းထောက်မလေး တစ်ဦးက အင်တာဗျူးသွားသည်။ လယ်သမားများသည်လည်း မွန်အုပ်စု ဖြစ်ရာ ဒေါ်တင်စိန်၏ ပြောဆိုချက်များကို အခြေပြု၍ ဦးနေမျိုးဝေမှ လယ်သမားများအတွက် တစ်ဧကလျှင် သိန်း(၅၀)နှုန်းတောင်းဆိုပေးကြောင်းဖြင့် ဖော်ပြရေးသားသည်။ ထို့ထက်ပို၍ ကားသွားသည်မှာ မန်နေဂျာမြင့်ဇော်၏ ချဲ့ကားပြောဆိုခြင်းပင် ဖြစ်ပါလိမ့်မည်။ ဇေကမ္ဘာ ဦးခင်ရွှေ၏သား ဇေသီဟမှ ၎င်း၏ facebook စာမျက်နှာမှ ဦးနေမျိုးဝေသည် သူ့အဖေထံတွင် အလုပ်တောင်း ကြောင်း ၊ သက်သေအဖြစ် လယ်သမားများပင်ရှိကြောင်းဖြင့် ရေးသားသည်။ ဤသည်တို့ကို လျစ်လျှူရှု၍ ထားလိုက်တော့သည်။ ထိုသတင်းထွက်ပေါ်လာခြင်းအတွက် လယ်သူမ ဒေါ်တင်စိန်အပေါ်တွင်လည်း ဦးနေမျိုးဝေ ဒေါသဖြစ် နေသည်။ တွေ့ဆုံကြခြင်းမှာ ထောက်လှမ်းရေးတစ်ဦး၏ စီစဉ်ပေးမှုဖြင့် တွေ့ဆုံကြခြင်းဖြစ်သည်။ ကျွန်တော် တို့၏ အယ်ဒီတာချုပ်မှာလည်း ဦးနေမျိုးဝေအပေါ် အမြင်လွဲ၍ ဇေကမ္ဘာမြင့်ဇော်အား အင်တာဗျူးကာ ဂျာနယ် ပေါ်မှ ဖော်ပြပေးသည်။ ဂျာနယ်စာမျက်နှာများသည် အယ်ဒီတာချုပ်အပိုင်ဖြစ်လေလာ သူဖြုတ်ချင်ဖြုတ် သူထည့်ချင်ထည့် (လုပ်ချင်ရာလုပ်)သာ ဖြစ်သည်။ ဇေကမ္ဘာကုမ္ပဏီသည် လန(၃၉)မကျမီမှာပင် လယ်မြေများကို ရောင်းစားထားပြီး ဖြစ်ကြောင်း သက်သေခံလျှက်ရှိပါသည်။ လယ်သမားများစိုက်ပျိုးလုပ်ကိုင်လျှက် ရှိနေဆဲအချိန်တွင် ၎င်းတို့ထံမှ ၀ယ်ယူထား သူတို့၏ အမည်များနှင့် ၀ယ်ယူထားသည့် ဧကတို့ကိုရေးသား၍ ဆိုင်းဘုတ်များ လာစိုက်တော့သည်။ ဒေါ်နန်းလင်းလင်းထွန်းအမည်ဖြင့် ၀ယ်ယူထားသည့်ဧက အများဆုံးဖြစ်သည်ကို သတိပြုမိသည်။ အခြား တိုင်းရင်းသား နာမည်များလည်း တွေ့ရသည်။ လယ်သမားများကို တစ်ဧကလျှင် ငွေသုံးသိန်းပေးပြီး လယ်မြေများကို ဆက်လက်စိုက်ပျိုးလုပ်ကိုင် နေကြရန် ပြောဆိုသော်လည်း အကြောင်းအမျိုးမျိုးဖြင့် စတင်ဖျက်စီးလေပြီ။ လယ်မြေများတွင် လမ်းများဖောက် လုပ်နေပြီဖြစ်သည်။ ထိုဆိုင်းဘုတ်များလာထောင်ပြီး ဖယ်ရှားပေးရတော့မည် ဖြစ်ကြောင်းဖြင့် ဇေကမ္ဘာလုံခြုံ ရေးများမှတဆင့် ခြိန်းခြောက်ပြောဆိုမှုများ ၊ လယ်သမားများ နှင့် ထိပ်တိုက် ပဋိပက္ခများ ပေါ်ပေါက်လာတော့ သည်။ ဇေကမ္ဘာကုမ္ပဏီအနေဖြင့် ထိုလယ်မြေများကို ရောင်းချနေရာတွင် တစ်ဧကလျှင် သိန်း(၈၀၀)ထက် မနည်းသောဈေးနှုန်းဖြင့် ရောင်းချနေသည်ကို လယ်သမားများ သိရှိနေသည်။ ထို့အတွက် တစ်ဧကလျှင် သိန်း(၅၀)ခန့်ရမှ ကျေနပ်နိုင်မည်ဆိုသော လယ်သမားများ၏ ပြောဆိုချက်သည် လောဘရမ္မက်တက်သည်ဟု ဆိုနိုင်ပါသလော့။ ထိုသို့ဆိုပါလျှင် လယ်သမားများ၏ လောဘသည် ဇေကမ္ဘာ ဦးခင်ရွှေ၏ ဖင်ဖျားကိုပင် မမှီသေးဟု ဆိုရမည်သာဖြစ်သည်။ ဦးနေမျိုးဝေ ဦးဆောင်သော လယ်သမားများ နှင့် ဇေကမ္ဘာမြင့်ဇော်တို့ တွေ့ဆုံစဉ်ကလည်း ဦနေမျိုးဝေ မှ မည်၍မည်မျှပေးဟု တောင်းဆိုပေးခြင်းမဟုတ်ဘဲ လယ်သမားများ၏ တောင်းဆိုချက်သာဖြစ်ကြောင်းကို ဦးနေမျိုးဝေက ပြန်လည်ရှင်လင်းပြောဆိုသည်။ ဦးခင်ရွှေသည်လည်း Street View ဟူသော ကိုယ်ပိုင်မီဒီယာ ရှိထားသည့်အပြင် လျှပ်တစ်ပြက် ဂျာနယ်တွင်လည်း ဦးခင်ရွှေအလိုကျ လယ်သမားများကို တိုက်ခိုက်ရိုက်ရေးသားမှုများ တွေ့ရသည်။ ၎င်းတို့၏ လုပ်ရပ်သာ အမှန်ဖြစ်နေသည်။ ထိုမီဒီယာ နှစ်ခုနှင့်အပြိုင် Hot News ဂျာနယ်သည် လယ်သမားများဘက်မှ ရပ်တည်ရေးသားပေးနေခြင်း ဖြစ်သည်။ Hot News ဂျာနယ်တွင် ရေးသားဖော်ပြခဲ့သော လယ်သူမလေး နှင်းနန္ဒာ၏ ပြောဆိုချက်များ နှင့် ပတ်သက်၍ ဇေကမ္ဘာကုမ္ပဏီဘက်မှ လယ်သမားစာရင်းတွင် မနှင်းနန္ဒာဟူ သည်မရှိကြောင်းဖြင့် တုန့်ပြန်လာသည်။ Hot News ဂျာနယ် အယ်ဒီတာမှ မနှင်းနန္ဒနှင် သူ၏ခင်ပွန်း ဦးကျော်ဟိန်းတို့ကို ခေါ်ယူတွေ့ဆုံ၍ ထပ်မံတိုက်ခိုက်လိုက်ပြန်သည်။ အကြိတ်အနယ်ရှိနေစဉ်အတွင်းမှာပင် ဦးနေမျိုးဝေသည် လယ်သမားများဘက် မှ ငွေတောင်းပေးသည်ဟု အထင်ရောက်ကာ အယ်ဒီတာ ဒေါပွခဲ့လေသည်။ အယ်ဒီတာနှင့် ဦးနေမျိုးဝေတို့ ခပ်တန်းတန်းဖြစ်သွားခဲ့သော်လည်း ပြဿနာက အသောမသတ်နိုင် သေး။ လယ်သမားများကို မိမိတို့အစဉ်အဆက် လုပ်မြဲကိုင်မြဲ လုပ်ကိုင်နေကြရန်သာ အကြံပြု၍ ဦးနေမျိုးဝေ နှင့် လယ်သမားများလည်း ခပ်ခွာခွာ နေခဲ့ကြသည်။
(၄)
ထိုစဉ်အတွင်း ဦးနေမျိုးဝေသည် ရေဒီယိုသတင်းမှ ကြားသိ၍ မွန်ပြည်နယ် ၊ ကျိုက်မရောမြို့နယ်၊ နိတုံ ကျေးရွာတွင် မြေသိမ်းမှုပြဿနာပေါ်ပေါက်လျှက်ရှိရာ ရောက်ရှိသွားပြန်သည်။ သူ၏ ပြန်လည်ပြောကြားချက် အရ “မော်လမြိုင်ကို ရောက်တော့ ဦးနိုင်ငွေသိန်းဆီ ၀င်တယ်။ သူ့ကိုလမ်းညွှန်တစ်ယောက်ထည့်ပေးဖို့ ပြောတော့ သူက စိတ်မချဘူးလို့ပြောတယ်။ ကိုယ့်ဟာကိုယ် ဆိုင်ကယ်ငှားပြီး ပေါက်ချသွားတယ်။ ဟိုရောက် တော့ ရွာသားတွေနဲ့တွေ့တာပဲ။ သူတို့ကိုကူညီဖို့သွားတဲ့ဟာကို ဘာလို့ သူတို့က ရန်ရှာမှာလဲ။ အဲဒီနယ်က DKBA နယ်မြေ။ ဦးနိုင်ငွေသိန်းကြီးက ငါ့ကို အဲဒီအတွက် စိတ်ပူနေတာ”ဟု ပြန်လည်ပြောဆိုသည်။ ထိုဖြစ်စဉ် မှာလည်း ဇေကမ္ဘာကုမ္ပဏီ၏ ပြဿနာပင်ဖြစ်သည်။ နိတုံကျေးရွာအနောက်ဘက်ရှိ ကျောက်တောင်မှ ဘိလပ် မြေထုတ်ယူရန် လမ်းဖောက်မည်။ ထိုသို့ဖောက်လုပ်ရန်အတွက် လယ်မြေဧက(၂၀၀၀) သိမ်းထားခြင်းပင် ဖြစ်သည်။ ထိုအမှုအား စတင်ကိုင်တွယ်ပြန်သည်။ ဇေကမ္ဘာကုမ္ပဏီမှ ထိုလယ်မြေများသည် ရေငံဝင်သဖြင့် စိုက်ပျိုးဖြစ်ထွန်းခြင်း မရှိဟု ဆိုကာ အကြောင်းပြသည်။ လန(၃၉)လျှောက်ထား ရယူရန် ပင်ဖြစ်သည်။ လျော်ကြေးငွေကိုလည်း ထိုက်ထိုက်တန် တန်ပေးချေခြင်းမဟုတ်။ ထို့အတွက်ကြောင့် လယ်သမားက မကျေမနပ်ဖြစ်နေကြခြင်းသာ။ ဇေကမ္ဘာကုမ္ပဏီမှ ရေငံဝင်သည်ဟူသော ချောင်းမှာ တောင်းကျချောင်း ဖြစ်၍ ရေငံဝင်ရောက်ခြင်း မရှိ။ နိတုံကျေးရွာ အနောက်ဘက် ကျောက်တောင်ကြီးဘေးကို ချောင်းထဲမှလည်း သွားလို့ရသည်။ ထိုချောင်းထဲမှ ရေတစ်ဘူးခပ်လာသည်။ ရေငံလား ရေချိုလား သက်သေပြရန်ပင်ဖြစ်သည်။ သူကိုယ်တိုင် လှေနှင့် ချောင်ကြို ချောင်ကြားအထိ သွားရောက်လေ့လာခဲ့ခြင်းဖြစ်သည်။ ထိုအကြောင်းကို ကျွန်တော့်အား ပြောပြ၍ အယ်ဒီတာ အားပြောဆိုရှင်းလင်းပြရန် နှင့် ပြန်လည်ဆက်သွယ်ခိုင်းသည်။ ကျွန်တော့်အနေဖြင့် အုပ်ချုပ်ရေးမှူး နှင့် အယ်ဒီတာချုပ်တို့အား ပြောပြလိုက်သည်။ စိတ်ဝင်စားသည် ဆိုပါလျှင် အသေးစိတ် သိရှိရန် ထပ်သွားပေးမည်။ လမ်းစရိတ်နှင့် သတင်းထောက်တစ်ယောက် ထည့်ပေးလိုက်ဖို့ ပြောသည်။ ဖြစ်နိုင်လျှင် ကျွန်တော့်ကို လိုက်စေချင်သည်။ သို့သော် ဂျာနယ်တိုက်က ကျွန်တော့်ကို မလွှတ်။ သတင်းအယ်ဒီတာကိုသာ ငွေပေးင ထည့်လိုက်သည်။ အချက်အလက်များ ရရှိခဲ့ပါသည်။ သို့သော် ဦးနေမျိုးဝေနှင့် သတင်းအယ်ဒီတာတို့ ဆက်ဆံရေး အဆင်မပြေဖြစ်ခဲ့သည်ကို ပြန်လည်သိရှိရသည်။ ဦးနေမျိုးဝေ၏ သုံးသပ်ချက်နှင့် လယ်သမားများ၏ ပြောဆိုချက်များဖြစ်သည့် လယ်ယာမြေတွင် လုပ်ကိုင်ခဲ့သည့်အခြေအနေတို့ကို စာမျက်နှာ(၄)မျက်နှာခန့် ဖော်ပြလိုက်သည်။ ဦးနေမျိုးဝေ၏ သုံးသပ်ချက်မှာ လမ်းဖောက်လုပ်မည်ဆိုက တစ်ကွင်းလုံး ပတ်သိမ်းရန်မလိုပဲ လမ်းဖောက်လုပ်မည့် အတိုင်းအတာကိုသာ သိမ်းဆည်းရန် လိုကြောင်းဖြင့် သုံးသပ်ထားသည်။ သိမ်းဆည်းထားသည့် လယ်မြေဧရိယာမှာ ဧက(၂၀၀၀) ဖြစ်သည်။ ဤသတင်းကိုပင် ဘိလပ်မြေထုတ်ယူမည်ဟူသော လှပသည့်ကျောက်တောင် ကြီးကို နောက်ကျောဖုံးထား၍ ကောက်စိုက်သမများ၏ ပုံဖြင့် ဖော်ပြခဲ့သည်။ ဤသို့ဖော်ပြလိုက်ပြီးနောက် လယ်သမား များ ကံကောင်း ၊အကြောင်းလှစွာပင် လယ်ယာမြေများပြန်လည် ရရှိသွားတော့သည်။ နိုင်ငံတော်မှ သိမ်းဆည်း ခွင့်ပြုထားသည်မှာ ဧက(၂၀၀)သာဖြစ်ပြီး ဧက(၂၀၀၀) သိမ်းဆည်းခွင့် ပြုထားခြင်း မဟုတ်ကြောင်း ပေါ်ပေါက် သည်။ ကျွန်တော်တို့အတွက် သာဓက တစ်ခုမှာ “ နိုင်ငံတော်က ဧက(၂၀၀)ခွင့်ပြုလျှင် ဒေသခံ အာဏာပိုင် နှင့် ပူးပေါင်းကာ ဧက(၂၀၀၀) သိမ်းသည်” ဟူ၍သာ။ ဤသည်ကား မြန်မာနိုင်ငံ တစ်နံတလျှား ထိုသို့မှတ်သား ရမည့် သာဓကပင်ဖြစ်သည်။ ထိုသို့ဖော်ပြပါရှိပြီးနောက် လယ်မြေဧက (၁၈၀၀)ကို တောင်သူများ ပြန်လည်ရရှိသွားတော့သည်။ ဤသည်ကပင် မြေယာမှုခင်းများထဲမှ ဦးဦးဖျားဖျား အနိုင်ရမှု တစ်ခုဟု မှတ်တမ်းတင်ရမည်ဖြစ်ပါသည်။ ကျွန်တော်တို့၏ မူလဇတ်မြစ် “ဇေကမ္ဘာ နှင့် ရွှေနံ့သာလယ်သမားများ၏ ပြဿနာ” မှာမူ မည်သည့်အချိန် မှ အဆုံးသတ်နိုင်မည်ကို မခန့်မှန်းနိုင်သေးပေ။ နိတုံအရေးနှင့် ပတ်သက်၍ လယ်မြေဧက (၁၈၀၀)ပြန်လည် ရရှိသွားသည့်တိုင် ပြဿနာ ပြီးဆုံးပြီဟု မမှတ်ယူသင့်သေးပါ။ နောက်ဆက်တွဲ ဖောက်လုပ်မည့် တာလမ်းမကြီးကြောင့် ဒေသခံတို့ရင်ဆိုင်ရမည့် ပြဿနာများကို အခြားသော လယ်ယာမြေမတရားသိမ်းဆည်းမှုများ နှင့် ပူးတွဲ တင်ပြပါဦးမည်။
နောင်တော်လေး (ဘိုကလေး)
Tags:
မြေကြီး နှင့် ပြည်သူ
Leave a comment